பல்வேறு குற்றச்சாட்டுகளுடன் தொடர்புடைய எட்டு பேர் கைது

-எப்.முபாரக்                        

திருகோணமலை பிரதேசத்தில் பல குற்றச்செயல்களுடன் தொடர்புடையதாக கூறப்படும் எட்டுப் பேரை இன்று செவ்வாய்க்கிழமை(20) கைது செய்துள்ளதாக பொலிஸார் தெரிவித்தனர்.

உப்புவெளி மற்றும் திருகோணமலை பிரதேசங்களில் மூன்று மோட்டார் சைக்கிள்கள் திருடியமை மற்றும் கடைகளை உடைத்து இலத்திரனியல் பொருட்களை திருடியமை போன்ற குற்றச்சாட்டுகளுடன் தொடர்புடையவர்கள் எனவும் பொலிஸார் தெரிவித்தனர்.

சந்தேக நபர்கள் எட்டுப் பேரையும் தடுத்து வைத்து விசாரணைகளை மேற்கொண்டு வருவதோடு திருகோணமலை நீதிமன்றில் ஆஜர்படுத்துவதற்கான நடவடிக்கைகளை பொலிஸார் மேற்கொண்டு வருகின்றனர்.

சந்தேக நபர்கள் திருடிய பொருட்களை பொலிஸார் கைப்பற்றியுள்ளனர்.