மதுபானம் அருந்திய சிறுவன் வைத்தியசாலையில்

வீட்டில் மயங்கிக் கிடந்த 7 வயதுச் சிறுவனை, திருகோணமலை பொது வைத்தியசாலையில் நேற்றிரவு (29) அனுமதித்த போது, சிறுவனுக்கு மதுபானம் கொடுக்கப்பட்டிருந்ததென, வைத்தியசாலைத் தரப்பினர் தெரிவித்துள்ளனர்.

இச்சம்பவம், திருகோணமலை, மொரவெவ பொலிஸ் பிரிவுக்குட்பட்ட கிராமமொன்றில் இடம்பெற்றுள்ளது.

சிறுவனுக்கு மதுபானம் வழங்கியது யார் என விசாரணைகளை மேற்கொண்ட போது, தந்தை வாங்கி வந்த குளிர்பானப் போத்தலில் சாராயம் கலக்கப்பட்டு, குளிர்சாதனப் பெட்டியில் மறைத்து வைத்திருந்தமை தெரியவந்துள்ளது.

இந்த மதுபானத்தை, மதுபானம் என நினைத்து, திருட்டுத்தனமாகக் குடித்த சிறுவனே, மயங்கிய நிலையில் வைத்தியசாலையில் அனுமதிக்கப்பட்டுள்ளார்.