மார்ச் 1இல் வருடாந்த இடமாற்றம்

மாகாண சுகாதார  சேவைக்கான வருடாந்த இடமாற்றம், எதிர்வரும் மார்ச் மாதம் 01ஆம் திகதி முதல் நடைமுறைப்படுத்தப்பட வேண்டுமென, கிழக்கு மாகாண சுகாதார சேவைகள் பணிப்பாளர் டொக்டர் கே.முருகானந்தன் தெரிவித்தார்.

2018 ஜனவரி மாதம் 01ஆம் திகதி வருடாந்த இடமாற்றம்   நடைபெறவிருந்த நிலையில்,  உள்ளூராட்சிமன்றத் தேர்தல் நடைபெற்றது.

இதனடிப்படையில், தேர்தல் ஆணையாளரால் விடுக்கப்பட்ட அறிவுறுத்தலின் பேரில், பெப்ரவரி மாதம் 28ஆம் திகதி வரைக்கும்  இவ்விடமாற்றம் பிற்போடப்பட்டதாகவும் அவர் குறிப்பிட்டார்.

அத்துடன், கிழக்கு மாகாண சுகாதாரத் திணைக்களங்களில் கடமையாற்றும் ஊழியர்கள் நியமிக்கப்பட்டிருக்கின்ற வைத்தியசாலைகளுக்கும் அலுவலகங்களுக்கும், மார்ச் மாதம் 01ஆம் திகதி கடமையைப் பொறுப்பேற்குமாறும் அவர் கேட்டுக்கொண்டுள்ளார்.

இதேவேளை, இடமாற்றம் பற்றிய மேலதிக விவரங்களை அறிந்துகொள்ள www.ep.gov.lk என்ற இணையத்தளத்தில் பார்வையிடலாம் எனவும் அவர் தெரிவித்தார்.