முதிரைமரக் குற்றிகளுடன் இருவர் கைது

-ஏ.எஸ்.எம்.யாசீம்

சட்டவிரோதமான முறையில் லான்மாஸ்டரில் முதிரைமரக் குற்றிகளை ஏற்றிச்சென்றதாகக் கூறப்படும் இருவரை சனிக்கிழமை (12) குச்சவெளி பொலிஸ் பிரிவுக்குட்பட்ட கும்புறுப்பிட்டி காட்டுப்பகுதியில் கைதுசெய்துள்ளதாக பொலிஸார் தெரிவித்தனர்.

முதிரைமரக் குற்றிகளை கொண்டுசெல்வதாக தமக்கு  கிடைத்த தகவலைத் தொடர்ந்து, அங்கு விரைந்து இரண்டு லான்மாஸ்டர்களுடன் சந்தேக நபர்களை கைதுசெய்துள்ளதாகவும் பொலிஸார் கூறினர்.

இது தொடர்பில் குச்சவெளிப் பொலிஸார் விசாரணைகளை மேற்கொண்டு வருகின்றனர்.