வடிசாராயம் விற்பனையில் ஈடுபட்டவருக்கு அபராதம்

-நஹீம் முஹம்மட் புஹாரி

மூதூர் பொலிஸ் பிரிவுக்குட்பட்ட கிளிவெட்டி.பாரதிபுரம் பிரதேசத்தில் சட்டவிரோதமாக வடிசாராயம் விற்பனையில் ஈடுபட்டு வந்த ஒருவருக்கு இன்று திங்கட்கிழமை மூதூர் நீதிவான் நீதிமன்ற நீதிபதி 43,000 ரூபாய் அபராதம் விதித்து தீர்ப்பளித்தார்.

மூதூர் பொலிஸாருக்கு கிடைக்கப்பெற்ற இரகசிய தகவலின் அடிப்படையில் குறித்த நபரின் வீட்டை சோதனையிட்ட போதே வடிசாராயம் காய்ச்ச பயன்படுத்தப்படும் பொருட்களை பொலிஸார் கைப்பற்றி சந்தேக நபரையும் கைதுசெய்தனர்.
          
இதேவேளை,மூதூர் பிரதேசத்தில் கஞ்சா வைத்திருந்த ஒருவருக்கு இன்று திங்கட்கிழமை மூதூர் நீதிவான் நீதிமன்ற  நீதிபதி 9,000 ரூபாய் தண்டம் விதித்து தீர்ப்பளித்தார்

கிடைக்கப்பெற்ற இரகசிய தகவலையடுத்து ஸ்தலத்துக்கு விரைந்த மூதூர் பொலிஸார் குறித்த நபரை கைது செய்ததுடன் அவரிடமிருந்து 60 கிராம் கஞ்சாவையும் கைப்பற்றியுள்ளனர்.