வருடாந்த பொங்கல் விழாவில் பக்தர்களுக்கு அனுமதியில்லை

அ.அச்சுதன்

வரலாற்றுச் சிறப்புமிக்க திருகோணமலை அருள்மிகு ஸ்ரீ பத்திரகாளி அம்பாள் தேவஸ்தானத்தின் வருடாந்த பொங்கல் விழா, ஜுன் மாதம் 01ஆம் திகதியன்று நடைபெறவிருக்கின்றது.

எனினும், இந்தப் பூஜை நிகழ்வுகளில் பக்தர்கள் கலந்து சிறப்பிக்கமுடியாதென அறிவிக்கப்பட்டுள்ளது.

நாட்டில் ஏற்பட்டுள்ள கொரோனா வைரஸ் பாதிப்புக் காரணமாக கொரோனா கட்டுப்பாடு நடைமுறைகளை பின்பற்றி அடியார்கள் கோயில் வீதியைச் சுற்றி பொங்கலும் செய்ய முடியாத நிலைமை ஏற்பட்டுள்ளது.

ஆகவே, பக்தர்கள் பொங்கல் பொருள்களையும் நேர்த்திக்கடன் பொருள்களையும் வழங்கவிரும்புவர்கள்  நாளை மறுதினம் (28) தொடக்கம் இம்மாதம் 31ஆம் திகதி வரை கோயிலில் ஒப்படைக்குமாறு, பத்திரகாளி அம்பாள் தேவஸ்தானத்தின் பிரதம குருவும் ஆதீனகர்த்தாவுமாகிய பிரம்ம ஸ்ரீ சோ. இரவிச்சந்திரக்குருக்கள் கேட்டுக்கொண்டுள்ளார்.