வாகன விபத்தில் ஒருவர் காயம்

-எப்.முபாரக்                     

திருகோணமலை கிண்ணியா ஒரிகன் பாலத்துக்கு முன்னால் நேற்று புதன்கிழமை மாலை இடம்பெற்ற வாகன விபத்தில் ஒருவர் காயங்களுக்குள்ளாகி  கிண்ணியா வைத்தியசாலையில் அனுமதிக்கப்பட்டுள்ளார்.

முச்சக்கர வண்டியொன்றும் மோட்டார் சைக்கிள் ஒன்றும் நேருக்கு நேர் மோதி விபத்துக்குள்ளானதில் மோட்டார் சைக்கிளில் சென்றவர் காயங்களுக்குள்ளாகி கிண்ணியா வைத்தியசாலையில் அனுமதிக்கப்பட்டுள்ளதாக கிண்ணியா பொலிஸார் தெரிவித்தனர்.

இச்சம்பவம் பற்றிய மேலதிக விசாரணைகளை கிண்ணியா பொலிஸார் மேற்கொண்டு வருகின்றனர்.