விபத்தில் மாணவன் காயம்

-எப்.முபாரக்                           

திருகோணமலை, கந்தளாய் பிரதேசத்தில் இன்று புதன்கிழமை காலை பாடசாலைக்குச் சென்றுகொண்டிருந்த மாணவன் ஒருவன் மீது மோட்டார் சைக்கிள் மோதியதில், படுகாயமடைந்த மாணவன் கந்தளாய் தள வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

ஆறாம் தரத்தில் கல்வி பயிலும் நிப்கி முகம்மட் (வயது 12) என்ற மாணவனே விபத்துக்கு உள்ளாகியுள்ளான்.

வீதியை கடக்க முற்பட்ட இந்தச் சிறுவன் மீது எதிரே வேகமாக வந்த  மோட்டார் சைக்கிள் மோதியதாக விசாரணையில் தெரியவந்துள்ளது.  

மேலும், மோட்டார் சைக்கிளில் சென்றவர் தலைக்கவசம் அணிந்திருக்கவில்லையென பொலிஸார் கூறினர்.

இந்த விபத்து தொடர்பில் பொலிஸார் விசாரணைகளை மேற்கொண்டு வருகின்றனர்.