ஹெரோய்ன் வைத்திருந்த இளம் பெண் கைது

ஏ.எம்.ஏ.பரீத், ஏ.எம்.கீத்

திருகோணமலை  தலைமையக பொலிஸ் பிரிவு, பாலையூற்றுப் பகுதியில்,  ஹெரோய்ன் போதைப்பொருள் வைத்திருந்த 21 வயது இளம் குடும்பப் பெண்ணொருவர், திருகோணமலை பிராந்திய போதைப்பொருள் தடுப்புப் பிரிவு பொலிஸாரால் நேற்று (05) மாலை கைது செய்யப்பட்டார்.

இந்தச் சந்தேக நபரிடமிருந்து 640 மில்லிக் கிராம் ஹெரோய்ன் போதைப்பொருள் கைப்பற்றப்பட்டடதாக, பொலிஸார் தெரிவித்தனர்.

இப்பெண்ணின் கணவர், ஹெரோய்ன் போதைப்பொருள் வைத்திருந்த குற்றச்சாட்டில் ஏற்கெனவே  சிறைத்தண்டனை அனுபவித்து வருகின்றமை குறிப்பிடத்தக்கது.