'மக்கள் பயனடையும் வகையில் உள்ளூராட்சிமன்றங்களின் செயற்பாடுகள் இருக்கவேண்டும்'

-எப்.முபாரக்                   

அனைத்து மக்களும் பயனடையும் வகையில் உள்ளூராட்சிமன்றங்களின் செயற்பாடுகள் அமைய வேண்டுமென்பதுடன், இதன் மூலம் சகல பிரதேசங்களும் அபிவிருத்தியடையுமெனவும் கிழக்கு மாகாணசபை உறுப்பினர் அருண சிறிசேன தெரிவித்தார்.   

பேராறு பிரதேசத்தில் சனிக்கிழமை (10) மாலை நடைபெற்ற மக்கள் சந்திப்பிலேயே, அவர் மேற்கண்டவாறு கூறினார்.
இங்கு மேலும் தெரிவித்த அவர், 'எதிர்வரும் மார்ச் மாதம்; உள்ளூராட்சிமன்றத் தேர்தல் நடைபெறும் சாத்தியக்கூறுகள் தென்படுகின்றன.

உள்ளூராட்சிமன்றங்கள் மூலமாக எந்த அபிவிருத்திகளும் இடம்பெறுவதில்லையென மக்கள் தெரிவிக்கின்றனர். இதனை  மாற்றி பிரதேசத்தின் வளர்ச்சியையும் அபிவிருத்தியையும் இலக்காகக் கொண்டு செயற்பட வேண்டும்' என்றார்.
மேலும், கந்தளாய்ப் பிரதேசத்திலுள்ள அனைத்து சிறு வீதிகளும் செப்பனிடப்பட்டு மக்களின் பாவனைக்கு விட வேண்டும். அதேபோன்று மாகாணசபையின் நிதியொதுக்கீடு  மூலம் கல்வி, சுகாதாரம் ஆகியவற்றுக்கும் இங்குள்ள சிறு பாலங்களையும் புனரமைக்கவுள்ளேன்' எனத் தெரிவித்தார்.