மரத்திலிருந்து தவறி விழுந்து ஒருவர் பலி

-எப்.முபாரக்           

திருகோணமலை ஜயந்திபுர பிரதேசத்தில் இன்று புதன்கிழமை(16) காலை பனை மரத்திலிருந்து தவறி விழுந்து ஒருவர் உயிரிழந்துள்ளார்.

ஜயந்திபுர பகுதியைச் சேர்ந்த மூன்று பிள்ளைகளின் தந்தையான வசந்த குமார் (வயது52) என்பவரே இவ்வாறு உயிரிழந்துள்ளார்.    

பனை மரத்தில் ஏறி பனைமட்டைகள் வெட்டிக்கொண்டிருக்கும் போது வேகமாக வீசிய காற்றினால் குறித்த நபர் தவறி விழுந்து உயிரிழந்துள்ளதாக சூரியபுர பொலிஸார் தெரிவித்தனர்.

பிரேத பரிசோதனையின் பின்னர் சடலம் உறவினர்களிடம் ஒப்படைக்க நடவடிக்கைகள் மேற்கொள்ளப்பட்டுள்ளன.