கிழக்கு மாகாண வைத்தியசாலைகளில் மருந்துகளுக்கு தட்டுப்பாடில்லை: மாகாண சுகாதார அமைச்சர்

(எம்.பரீட்)

கிழக்கு மாகாண வைத்தியசாலைகளில் மருந்துகளுக்கு எவ்வித தட்டுப்பாடுகளும் கிடையாது என கிழக்கு மாகாண சுகாதார அமைச்சர் எம்.எஸ் சுபைர் தெரிவித்தார்.

கிழக்கில் ஏற்பட்டுள்ள வெள்ள பெருக்கு காரணமாக தொற்று நோய் ஏற்படுவதற்கான சந்தர்ப்பம் உள்ளன என்றார் அவர்.

அதனால் இந்நோய் பரவாமல் இருப்பதற்கு சகல நடவடிக்கையும் சுகாதார அமைச்சு மேற்கொண்டு வருவதுடன் நடமாடும் சுகாதார சேவை, இலவச மருத்துவ முகாம் என பல நடவடிக்கைகளை அமைச்சு மேற்கொண்டு வருவதாக மாகாண அமைச்சர் சுபைர் மேலும்  தெரிவித்தார்.