திருமலை பொதுவைத்தியசாலையில் புதிய வைத்தியர் நியமனம்

(அப்துல்சலாம் யாசிம்)

திருகோணமலை பொது வைத்தியசாலையில் காது, மூக்கு, தொண்டைகளுக்கான வைத்திய நிபுணர் நேற்று வியாழக்கிழமை நியமிக்கப்பட்டுள்ளதாக வைத்தியசாலை அத்தியட்சகர் டாக்டர் ஈ.ஜி. ஞானகுணாளன் தெரிவித்துள்ளார்.
 
இதுவரை காலமும் கிண்ணியா, மொறவௌ, புல்மோட்டை, மூதூர்,  கந்தளாய் போன்ற பகுதிகளில் இருந்து காது, மூக்கு, தொண்டைகளில் ஏற்படும் நோய்களுக்காக சிகிச்சைபெற வருபவர்கள்  அம்பியுலன்ஸ் வண்டி மூலம் கண்டி வைத்தியசாலைக்கு அனுப்பப்பட்டனர்.

இனி நோயாளர்கள் இவ்வைத்தியசாலையிலே சிகிச்சை பெறலாம் என அவர் மேலும் தெரிவித்தார்.