திருகோணமலையில் பொதறிவு வினாடி வினாப்போட்டி

(அப்துல்சலாம் யாசிம்)

திருகோணமலை மாவட்டத்தில் பொது அறிவை விருத்தி செய்யும் நோக்கில் ஐ.ரி.என் ;(ITN) தொலைக்காட்சி சேவையும் டி.எஸ்.ஐ. (DSI)அமைப்பும் இணைந்து அறிவும் அதிஷ்டமும் பொது அறிவு  வினாடி வினாப்போட்டி எனும் நிகழ்ச்சி  திட்டத்தை திருமலை உவர்மலை விவேகானந்தா தமிழ் மகாவித்தியாலயத்தில் இன்று திங்கட்கிழமை காலை ஆரம்பித்து வைத்தது.

இவ் ஆரம்ப நிகழ்வில் முதன்மை விருந்தினராக கல்வி அமைச்சர் பந்துல குணவர்தன, கிழக்கு மாகாண ஆளுநர் அட்மிரல் மொஹான் விஐயவிக்ரம, கிழக்கு மாகாண முதலமைச்சர் சிவனேசத்துரை சந்திரகாந்தன், கிழக்கு மாகாண கல்வி அமைச்சர் விமலவீர திஸாநாயக்க, கிழக்கு மாகாண பிரதம செயலாளர் வி.பி.பாலசிங்கம், கல்விப் பணிப்பாளர் எம்.டி.நிஸாம் ஆகியோருடன் கல்வி திணைக்கள அதிகாரிகள் பலரும் கலந்து கொண்டனர்.