தகவல் தொழில்நுட்பத்தை மேம்படுத்துவது தொடர்பான கலந்துரையாடல்

(எம்.பரீட்)

அவுஸ்திரேலியாவின் மெல்பேன் சிட்டியிலிருந்து வருகை தந்த தகவல் தொழில்நுட்பக் குழுவினர், கிழக்கு மாகாண சுகாதார மற்றும் தகவல் தொழில்நுட்பக் கல்வி அமைச்சர் எம்.எஸ்.சுபைரை சந்தித்துக் கலந்துரையாடியுள்ளனர்.

திருகோணமலையிலுள்ள அமைச்சின் அலுவலகத்தில் நேற்று வியாழக்கிழமை இந்த சந்திப்பு நடைபெற்றது.

கிழக்கு மாகாணத்தில் தகவல் தொழில்நுட்பத்தை எவ்வாறு மேம்படுத்துவது, தகவல் தொழில்நுட்பத்தை அபிவிருத்தி செய்து தகவல் தொழில் நுட்பத்துறையில் இளைஞர், யுவதிகளை ஈடுபட வைப்பது உள்ளிட்ட விடயங்கள் இங்கு கலந்துரையாடப்பட்டன.