பான்ட் வாத்திய இசைப்போட்டியில் திருமலை ஸ்ரீ கோணேஸ்வரா இந்து கல்லூரி வெற்றி

(ரமன், கஜன்)

திருகோணமலை மாவட்ட பல்கலைக்கழக மாணவர் ஒன்றியத்தினால் நடாத்தப்பட்ட பாடசாலைகளுக்கிடையிலான பான்ட்  வாத்திய இசைப்போட்டியில் திருகோணமலை ஸ்ரீ கோணேஸ்வரா இந்துக் கல்லூரியின் பான்ட் வாத்தியக்குழு முதலாம் இடத்தை பெற்றுள்ளது.

திருகோணமலை மாவட்டத்தை சேர்ந்த சிங்கள மற்றம் தமிழ் மொழி பாடசாலைகளுக்கடையில் இப்போட்டி திருகோணமலை மைக்கேசியர் விளையாட்டரங்கில் இன்று நடத்தப்பட்டது.

இப்போட்டியில் ஏழு பாடசாலை அணிகள் பங்கு பற்றியிருந்தன.  இதில் ஆறு தமிழ் மொழி பாடசாலைகளும் ஒரு சிங்கள மொழி மூலப்பாடசாலையும் பங்கு பற்றின.

இந்நிகழ்வில் திருகோணமலை நகரசபை தலைவர் க.செல்வராசா, பட்டணமும் சூழழும் பிரதேச செயலாளர் திருமதி சசிதேவி ஐலதீபன் ஆகியோர் கலந்துகொண்டனர்.

விமானப்படை மற்றும் கடற்படை உட்பட கொழும்பு சர்வதேச மேலைத்தேய இசைக்கல்லூரி விரிவுரையாளர்களை கொண்ட நடுவர்கள் முன்னிலையில் இப் போட்டிகள் நடைபெற்றன.

போட்டியின் இரண்டாம் இடத்தை ஸ்ரீ சன்முகா இந்து மகளிர் கல்லூரியும் மூன்றாம் இடத்தை உவர் மலை விவேகனந்தா கல்லூரியும் பெற்றன.