கைகலப்பில் இருவர் காயம்; இருவர் கைது

-எப்.முபாரக்                      

திருகோணமலை, கந்தளாய் பிரதேசத்தில் இரு குழுவினருக்கு இடையில் சனிக்கிழமை (18) இரவு ஏற்பட்ட  கைகலப்பில் இருவர் காயமடைந்த நிலையில் கந்தளாய் தள வைத்தியசாலையில் அனுமதிக்கப்பட்டனர்.  

இதேவேளை, இந்தச் சம்பவத்துடன் தொடர்புடையதாகக் கருதப்படும்; இருவரை கைதுசெய்ததாக  கந்தளாய்; பொலிஸார் தெரிவித்தனர்.

மதுபானம் அருந்திய  நிலையில்  மேற்படி இரு குழுவினருக்கும் இடையில் கைகலப்பு  ஏற்பட்டதாகவும் கைகலப்பில் ஈடுபட்டவர்கள் பாடசாலை  மாணவர்கள் எனவும் விசாரணையிலிருந்து தெரியவந்துள்ளதாகவும் பொலிஸார் கூறினர்.
இந்த சம்பவம் தொடர்பில் பொலிஸார் விசாரணைகளை மேற்கொண்டுள்ளனர்.