கொரோனாவால் 21 மரணங்கள் மாத்திரமே பதிவு

இலங்கையில் இதுவரை கொரோனா வைரஸ் தொற்றால் ஏற்பட்ட மரணங்களின் எண்ணிக்கை 21 மாத்திரமே என அறிவிக்கப்பட்டுள்ளது.

பாணந்துறை வைத்தியசாலையில் அனுமதிக்கப்பட்ட நிலையில் உயிரிழந்த 27 வயதுடைய நபரின் மரணத்தை கொரோனா உயிரிழப்பாக கருதாமல் இருக்க தொற்று நோய் விஞ்ஞான பிரிவு தீர்மானித்துள்ளது.

உயிரை மாய்த்துக்கொண்ட நிலையில் வைத்தியசாலையில் அனுமதிக்கப்பட்ட இளைஞனின் பிரேத பரிசோதனையில் மேற்கொள்ளப்பட்ட பி.சி.ஆர் பரிசோதனையில் அவருக்கு கொரோனா வைரஸ் தொற்று உறுதிப்படுத்தப்பட்டது.

எனினும், குறித்த மரணம் கொரோனா வைரஸினால் ஏற்படாத காரணத்தால் அதனை கொரோனா வைரஸ் தாக்கத்தால் ஏற்பட்ட உயிரிழப்புகளின் எண்ணிக்கையுடன் சேர்க்காமல் இருக்க தொற்று நோய் விஞ்ஞான பிரிவு தீர்மானித்துள்ளது.

முன்னதாக, இளைஞனின் மரணத்துடன் சேர்த்து கொரோனா வைரஸ் தொற்றுக்குள்ளாகி இலங்கையில் உயிரிழந்தவர்களின் எண்ணிக்கை 22 என்று தொற்று நோய் விஞ்ஞான பிரிவு அறிவித்திருந்தது.