மருதானையில் துப்பாக்கிச் சூடு

மருதானை ஜயந்த வீரசேகர மாவத்தையில் இன்று (29) காலை 9.35 அளவில் இடம்பெற்ற துப்பாக்கிச் சூட்டு சம்பவத்தில் இருவர் காயமடைந்துள்ளனர்.

மோட்டார் சைக்கிளில் வந்த இருவர், முச்சக்கர வண்டியில் பயணித்தவர்களை இலக்கு வைத்து இவ்வாறு துப்பாக்கி பிரயோகம் மேற்கொண்டு அவ்விடத்தை விட்டு தப்பிச்சென்றுள்ளதாக பொலிஸார் தெரிவித்துள்ளனர்.

இச் சம்பவத்தில் முச்சக்கர வண்டியில் பயணித்த இருவர் காயமடைந்த நிலையில் கொழும்பு தேசிய வைத்தியசாலையில் அனுமதிக்கப்பட்டுள்ளனர்.

இது தொடர்பில் மருதானை பொலிஸார் மேலதிக விசாரணைகளை முன்னெடுத்துள்ளனர்.