ரொஷானுக்கு எதிராக நீதிமன்ற அவமதிப்பு மனு

நீதிமன்றத்தை அவமதித்த குற்றத்திற்காக முன்னாள் விளையாட்டுத்துறை அமைச்சர் ரொஷான் ரணசிங்கவுக்கு எதிராக நடவடிக்கை எடுக்க உத்தரவிடுமாறு கோரி மேன்முறையீட்டு நீதிமன்றில், நீதிமன்ற அவமதிப்பு மனு தாக்கல் செய்யப்பட்டுள்ளது.

மனுதாரரான வழக்கறிஞர் டிமிட்ரி ஷிராஸ் அகஸ்டஸ் பீட்ராஞ்செலி,      வழக்கறிஞர் சுபாஷினி ஜே மூலம் விண்ணப்பத்தை தாக்கல் செய்தார்.

 2023 ஆம் ஆண்டு நவம்பர் மாதம் 8 ஆம் திகதிய பாராளுமன்ற அமர்வின் போது முன்னாள் விளையாட்டுத்துறை அமைச்சரின் நீதிமன்ற அவமதிப்புக்குரிய நடத்தையை சவால் செய்தார்.

அரசியலமைப்பின் 105(3) பிரிவின் கீழ் நீதிமன்றத்தை அவமதித்த குற்றத்திற்காக முன்னாள் அமைச்சருக்கு தண்டனை விதிக்க உத்தரவிடுமாறு மனுதாரர் மேலும் கோரியுள்ளார்.

நீதிபதி நிஸ்ஸங்க பந்துல கருணாரத்னவினால் இடைக்கால உத்தரவு பிறப்பிக்கப்பட்டமைக்கான காரணங்கள் தொடர்பில் பிரதிவாதியான முன்னாள் அமைச்சர் ரொஷான் ரணசிங்கநவம்பர் 8ஆம் திகதி பாராளுமன்ற அமர்வின் போது பல குற்றச்சாட்டுக்களை முன்வைத்ததாக தனது மனுவில் மனுதாரர் குறிப்பிட்டுள்ளார்.