கிளிநொச்சியில் இயக்குநர் இமயம் பாரதிராஜா...

எஸ்.என்.நிபோஜன்

லண்டன் கற்பக விநாயகர் ஆலய அறக்கட்டளையின் நிதி அனுசரணையில், கிளிநொச்சி மாவட்ட மக்கள் அமைப்பு, கிளிநொச்சி தர்மபுரம் பகுதியில் நடத்திய இலவச கணினி கற்கைநெறியை பூர்த்தி செய்த மாணவர்களுக்கு, சான்றிதழ் வழங்கும் நிகழ்வு,  நேற்று நடைபெற்றது.

வடமாகாணசபை உறுப்பினர் த.குருகுலராஜா தலைமையில் நடைபெற்ற  இந்நிகழ்வில், நாடாளுமன்ற உறுப்பினர் மாவை சேனாதிராஜா, தென்னிந்திய திரைப்பட இயக்குநர்  “இயக்குநர் இமயம்” பாரதிராஜா ஆகியோர் அதிதிகளாகக் கலந்துகொண்டார்.

பயிற்சியை நிறைவுசெய்த 130 மாணவர்களுக்கு, சான்றிதழ்கள் இயக்குநர் இமயத்தால் வழங்கி வைக்கப்பட்டது.

இந்நிகழ்வில் மாணவர்கள், பெற்றோர் உள்ளிட்ட பலர் கலந்துகொண்டனர்.