ஹட்டனுக்கு விஜயம் மேற்கொண்டார் ஜனாதிபதி

மு.இராமச்சந்திரன்

ஹட்டன் ஹைலன்ட்ஸ் கல்லூரியின் 125ஆவது ஆண்டு விழாவில் ஜனாதிபதி மைத்திரிபால சிறிசேன பிரதம அதிதியாக பங்கேற்றார்.

ஆண்டு விழாவின் பிரதான வைபவம், ஹட்டன் டி.கே.டப்ளியு மண்டபத்தில், இன்றுக் காலை 10 மணி முதல் நடைபெற்று வருகின்றது. இந்நிகழ்வில் கலந்துகொண்ட ஜனாதிபதி,  கொட்டகலை தமிழ் மகா வித்தியாலயத்துக்கும் விஜயம் செய்யவுள்ளார் என்று அறியமுடிகின்றது.  

அதுமட்டுமன்றி, கொட்டகலையில் உள்ள தொண்டமான் தொழிற் பயிற்சி நிலையம்( சி.எல்.எப்) நிலையத்துக்கும் விஜயம் செய்யவுள்ளார்.  

அங்கு அவரை, இலங்கை தொழிலாளர் காங்கிரஸின் பொதுச் செயலாளரும் எம்.பியுமான ஆறுமுகன் தொண்டமான் தலைமையிலான குழுவினர் வரவேற்கவுள்ளனர். அதன்பின்னர், ஜனாதிபதிக்கும் இ.தொ.காவுக்கும் இடையில் சினேகபூர்வ பேச்சுவார்த்தையொன்று இடம்பெறவுள்ளதாகவும் அறிவிக்கப்பட்டுள்ளது.