அவுஸ்திரேலியக் குழாமிலிருந்து பேர்ண்ஸ் நீக்கம்

அவுஸ்திரேலிய, இந்திய நணிகளுக்கிடையிலான நான்கு போட்டிகள் கொண்ட டெஸ்ட் தொடரில், எஞ்சியுள்ள இறுதி இரண்டு டெஸ்ட் போட்டிகளுக்கான குழாமிலிருந்து ஆரம்பத்துடுப்பாட்டவீரர் ஜோ பேர்ண்ஸ் நீக்கப்பட்டுள்ளார்.

இந்நிலையில், டேவிட் வோணர், வில் புக்கொவ்ஸ்கி, ஷோன் அபொட் ஆகியோர் உள்ளடக்கப்பட்டுள்ளனர்.

அந்தவகையில், எதிர்வரும் வியாழக்கிழமை ஆரம்பமாகவுள்ள மூன்றாவது டெஸ்டில் முழு உடற்றகுதியில்லாவிட்டாலும் வோணர் விளையாடுவார் என்று எதிர்பார்க்கப்படுவதோடு, புக்கொவ்ஸ்கி அறிமுகத்தை மேற்கொள்வதை அவரே முடிவெடிப்பார் எனத் தெரிகிறது.

குழாம்: டிம் பெய்ன் (அணித்தலைவர்), ஷோன் அபொட், பற் கமின்ஸ், கமரொன் கிறீன், ஜொஷ் ஹேசில்வூட், மார்க்கஸ் ஹரிஸ், ட்ரெவிஸ் ஹெட், மொய்ஸஸ் ஹென்றிக்கஸ், மர்னுஷ் லபுஷைன், நேதன் லயோன், மைக்கல் நேஸர், ஜேம்ஸ் பற்றின்ஸன், வில் புக்கொவ்ஸ்கி, ஸ்டீவ் ஸ்மித், மிற்செல் ஸ்டார்க், மிற்செல் ஸ்வப்ஸன், மத்தியூ வேட், டேவிட் வோணர்.