இன்டர் செல்லும் கிம்மிச்?

ஜேர்மனிய புண்டெலிஸ்கா கால்பந்தாட்டக் கழகமான பயேர்ண் மியூனிச்சின் மத்தியகளவீரரான ஜோஷுவா கிம்மிச்சைக் கைச்சாத்திடுவதற்கான போட்டியில் இத்தாலிய சீரி ஏ கழகமான இன்டர் மிலனும் இணைந்துள்ளதாகக் கூறப்படுகிறது.

இங்கிலாந்து பிறீமியர் லீக் கழகமான லிவர்பூலுக்கெதிராக இன்டர் பலத்த போட்டியாக இருக்குமெனக் கூறப்படுகின்ற நிலையில், 30 வயதான கிம்மிச்சைக் கைச்சாத்திட இன்னொரு பிறீமியர் லீக் கழகமான ஆர்சனலும் ஆர்வம் காட்டியமை குறிப்பிடத்தக்கது.

ஆண்டுக்கு ஆறு மில்லியன் யூரோக்கள் பெறுமதியான நான்கு ஆண்டுகள் ஒப்பந்தத்தை வழங்க இன்டர் தயாராக இருப்பதாகக் கூறப்படுகிறது.

மியூனிச்சுடனான கிம்மிச்சின் ஒப்பந்தம் நடப்பு பருவகாலத்துடன் முடிவடைகின்ற நிலையில், புதிய ஒப்பந்தத்தைக் கைச்சாத்திட அவர் தாமதிக்கின்றமை குறிப்பிடத்தக்கது.