இரண்டாமிடத்துக்கு முன்னேறிய சான்ட்னெர்

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான பந்துவீச்சாளர்களின் தரவரிசையில் இரண்டாமிடத்துக்கு நியூசிலாந்தின் அணித்தலைவர் மிற்செல் சான்ட்னெர் முன்னேறியுள்ளார்.

சம்பியன்ஸ் கிண்ண அரையிறுதி, இறுதிப் போட்டிகளில் 5 விக்கெட்டுகளைக் கைப்பற்றியமையைத் தொடர்ந்தே எட்டாமிடத்திலிருந்து ஆறு இடங்கள் முன்னேறி இரண்டாமிடத்தை சான்ட்னர் அடைந்துள்ளார்.

இதேவேளை இறுதிப் போட்டியில் 2 விக்கெட்டுகளைக் கைப்பற்றியமையைத் தொடர்ந்தே ஆறாமிடத்திலிருந்து மூன்று இடங்கள் முன்னேறி மூன்றாமிடத்தை இந்தியாவின் குல்தீப் அடைந்துள்ளார்.

இது தவிர மேற்படி போட்டியில் ஒரு விக்கெட்டைக் கைப்பற்றியமையைத் தொடர்ந்து 13ஆம் இடத்திலிருந்து மூன்று இடங்கள் முன்னேறி 10ஆம் இடத்தை இந்தியாவின் இரவீந்திர ஜடேஜா அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. மகேஷ் தீக்‌ஷன, 2. மிற்செல் சான்ட்னெர், 3. குல்தீப் யாதவ், 4. கேஷவ் மஹராஜ், 5. பெர்னார்ட் ஸ்கொல்ட்ஸ், 6. மற் ஹென்றி, 7. ரஷீட் கான், 8. குடகேஷ் மோட்டி, 9. ஷகீன் ஷா அஃப்ரிடி, 10. இரவீந்திர ஜடேஜா.

இந்நிலையில் சகலதுறைவீரர்களுக்கான தரவரிசையிலும் ஐந்தாமிடத்திலிருந்து ஓரிடம் முன்னேறி நான்காமிடத்தை சான்ட்னர் அடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. அஸ்மதுல்லாஹ் ஓமர்ஸாய், 2. மொஹமட் நபி, 3. சிகண்டர் ராசா, 4. மிற்செல் சான்ட்னெர், 5. மெஹிடி ஹஸன் மிராஸ்.

இதேவேளை இறுதிப் போட்டியில் 76 ஓட்டங்களைப் பெற்ற இந்தியாவின் றோஹித் ஷர்மா, துடுப்பாட்டவீரர்களின் தரவரிசையில் ஐந்தாமிடத்திலிருந்து இரண்டு இடங்கள் முன்னேறி மூன்றாமிடத்தையடைந்துள்ளார்.

இந்நிலையில் அரையிறுதி, இறுதிப் போட்டியில் 112 ஓட்டங்களைப் பெற்ற நியூசிலாந்தின் டரைல் மிற்செல், ஏழாமிடத்திலிருந்து ஓரிடம் முன்னேறி ஆறாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஷுப்மன் கில், 2. பாபர் அஸாம், 3. றோஹித் ஷர்மா, 4. ஹெய்ன்றிச் கிளாசென், 5. விராட் கோலி, 6. டரைல் மிற்செல், 7. ஹரி டெக்டர், 8. ஷ்ரேயாஸ் ஐயர், 9. சரித் அசலங்க, 10. இப்ராஹிம் ஸட்ரான்.