இ – 20இலும் முதலிடத்தில் ரஷீட் கான்

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான பந்துவீச்சாளர்களுக்கான தரவரிசையில் முதலிடத்திலுள்ள ஆப்கானிஸ்தானின் சுழற்பந்துவீச்சாளர் ரஷீட் கான், இருபதுக்கு – 20 சர்வதேசப் போட்டிகளுக்கான தரவரிசையிலும் முதலிடத்துக்கு முன்னேறியுள்ளார். இத்தரவரிசையின் இரண்டாமிடத்தில் இஷ் சோதி காணப்படுகின்றார்.

இதேவேளை, இருபதுக்கு -20 சர்வதேசப் போட்டிகளுக்கான துடுப்பாட்ட வீரர்களுக்கான தரவரிசையில் நியூசிலாந்தின் கொலின் மன்றோ மீண்டும் முதலிடம் பிடித்துள்ளதுடன், சகலதுறை வீரர்களுக்கான தரவரிசையில் அவுஸ்திரேலியாவின் கிளென் மக்ஸ்வெல் முதலிடத்துக்கு முன்னேறியுள்ளார்.