இ – 20 உலகக் கிண்ணம்: வைத்தியசாலையில் அனுமதிக்கப்பட்ட அபிஷேக்

வயிற்றுத் தொற்றொன்றால் வைத்தியசாலையில் இந்திய அணியின் ஆரம்பத் துடுப்பாட்டவீரரான அபிஷேக் ஷர்மா வைத்தியசாலையில் அனுமதிக்கப்பட்டுள்ள நிலையில், டெல்லியில் வியாழக்கிழமை (12) இரவு 7 மணிக்கு நடைபெறவுள்ள நமீபியாவுக்கெதிரான இந்தியாவின் குழு ஏ போட்டியில் அவர் விளையாடுவது சந்தேகத்துக்கிடமாகியுள்ளது.

கடந்த மூன்று நாள்களாக வைத்தியசாலையில் அபிஷேக் காணப்படுகின்ற நிலையில், செய்தி எழுதப்படும் வரையில் அவர் வைத்தியசாலையிலிருந்து விடுவிக்கப்படவில்லை.

அபிஷேக் ஷர்மாவை குறித்த போட்டியில் சஞ்சு சாம்சன் பிரதியிடுவாரென எதிர்பார்க்கப்படுகிறது.

இதேவேளை ஐக்கிய அமெரிக்காவுக்கெதிரான இந்தியாவின் ஆரம்பப் போட்டியில் காய்ச்சல் காரணமாக விளையாடியிருக்காத ஜஸ்பிரிட் பும்ரா, நமீபியாவுக்கு எதிரான போட்டியில் விளையாடவுள்ளார்.