ஐந்தாமிடத்துக்கு முன்னேறிய அன்டர்சன்

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களுக்கான தரவரிசையில் ஐந்தாமிடத்துக்கு இங்கிலாந்தின் ஜேம்ஸ் அன்டர்சன் முன்னேறியுள்ளார்.

அவுஸ்திரேலியாவுக்கெதிரான மூன்றாவது டெஸ்டில் நான்கு விக்கெட்டுகளைக் கைப்பற்றிய அன்டர்சன், எட்டாமிடத்திலிருந்து மூன்று இடங்கள் முன்னேறி ஐந்தாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. இரவிச்சந்திரன் அஷ்வின், 3. ஷகீன் ஷா அஃப்ரிடி, 4. டிம் செளதி, 5. ஜேம்ஸ் அன்டர்சன், 6. ஜொஷ் ஹேசில்வூட், 7. ககிஸோ றபாடா, 8. நீல் வக்னர், 9. மிற்செல் ஸ்டார்க், 10. கைல் ஜேமிஸன்.

இந்நிலையில், இந்த டெஸ்டில் 5 விக்கெட்டுகளைக் கைப்பற்றியதோடு, 24 ஓட்டங்களைப் பெற்ற அவுஸ்திரேலியாவின் மிற்செல் ஸ்டார்க், சகலதுறைவீரர்களுக்கான தரவரிசையில் ஆறாமிடத்திலிருந்து ஓரிடம் முன்னேறி ஐந்தாமிடத்தை அடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஜேஸன் ஹோல்டர், 2. இரவிச்சந்திரன் அஷ்வின், 3. இரவீந்திர ஜடேஜா, 4. ஷகிப் அல் ஹஸன், 5. மிற்செல் ஸ்டார்க்.

முதல் 10 துடுப்பாட்டவீரர்களின் தரவரிசை பின்வருமாறு,

1. மர்னுஸ் லபுஷைன், 2. ஜோ றூட், 3. கேன் வில்லியம்ஸன், 4. ஸ்டீவ் ஸ்மித், 5. றோஹித் ஷர்மா, 6. டேவிட் வோணர், 7. விராட் கோலி, 8. திமுத் கருணாரத்ன, 9. பாபர் அஸாம், 10. ட்ரெவிஸ் ஹெட்.