ஐந்தாமிடத்துக்கு முன்னேறிய கோலி

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான துடுப்பாட்டவீரர்களின் தரவரிசையில், ஐந்தாமிடத்துக்கு, இந்தியணியின் தலைவர் விராத் கோலி முன்னேறியுள்ளார்.

இங்கிலாந்துக்கெதிரான தொடரின் முதல் மூன்று போட்டிகளில், 150 ஓட்டங்களைப் பெற்றதைத் தொடர்ந்தே, ஆறாமிடத்திலிருந்து ஓரிடம் முன்னேறி ஐந்தாமிடத்தை விராத் கோலி அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. டேவிட் மலன், 2. ஆரோன் பின்ஞ், 3. பாபர் அஸாம், 4. லோகேஷ் ராகுல், 5. விராட் கோலி, 6. றஸி வான் டர் டுஸன், 7. கிளென் மக்ஸ்வெல், 8. மார்டின் கப்தில், 9. ஹஸரத்துல்லா ஸஸாய், 10. டெவோன் கொன்வே.

இதேவேளை, இலங்கைக்கெதிரான ஒருநாள் சர்வதேசப் போட்டித் தொடரில் 258 ஓட்டங்களைப் பெற்ற மேற்கிந்தியத் தீவுகளின் ஷே ஹோப், துடுப்பாட்டவீரர்களுக்கான தரவரிசையில், 13ஆம் இடத்திலிருந்து ஐந்து இடங்கள் முன்னேறி எட்டாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. விராட் கோலி, 2. ரோஹித் ஷர்மா, 3. பாபர் அஸாம், 4. றொஸ் டெய்லர், 5. ஆரோன் பின்ஞ், 6. பப் டு பிளெஸி, 7. டேவிட் வோணர், 8. ஷே ஹோப், 9. கேன் வில்லியம்ஸன், 10. குயின்டன் டி கொக்.