ஒலிம்பிக்கில் 7 பதக்கங்களை வென்ற நீச்சல் வீராங்கனை மக்கியோன்

தனித்த ஒலிம்பிக் போட்டி ஒன்றில் ஏழு பதக்கங்களை வென்ற முதலாவது நீச்சல் வீராங்கனையாக அவுஸ்திரேலியாவின் இம்மா மக்கியோன் நேற்று மாற்றியிருந்தார்.

50 மீற்றர் பிறீஸ்டைலிலும், 4 * 100 மீற்றர் மெட்லி அஞ்சலோட்டத்திலும் தங்கப் பதக்கங்களையும் வென்றமையையடுத்தே மேற்குறிப்பிட்ட சாதனையை மக்கியோன் படைத்திருந்தார்.

இப்போட்டிகள் தவிர, 100 மீற்றர் பிறீ ஸ்டைல், 4*100 மீற்றர் பிறீ ஸ்டைல் அஞ்சலில் தங்கப் பதக்கங்களையும், கலப்பு 4*100 மீற்றர் மெட்லி அஞ்சலோட்டம், 100 மீற்றர் பட்டர்பிளை, 4*200 மீற்றர் பிறீஸ்டைல் அஞ்சலோட்டத்தில் வெண்கலப் பதக்கங்களை மக்கியோன் வென்றிருந்தார்.

இதேவேளை, ஆண்களுக்கான 50 மீற்றர் பிறீஸ்டைலில் ஐக்கிய அமெரிக்காவின் கேலெப் ட்ரஸல் வென்றிருந்தார்.

இந்நிலையில், ஆண்களுக்கான 4*100 மீற்ரர் மெட்லி நீச்சல் அஞ்சலோட்டத்தில், மூன்று நிமிடங்கள் 26 செக்கன்கள் 78 மில்லி செக்கன்கள் என்ற உலக சாதனைப் பெறுதியுடன் ஐ. அமெரிக்கா தங்கம் வென்றிருந்தது.