ஓய்வு பெற்றார் தியாகோ

இங்கிலாந்து பிறீமியர் லீக் கால்பந்தாட்டக் கழகமான லிவர்பூலிலிருந்து விலகியமையையடுத்து கால்பந்தாட்டத்திலிருந்து அக்கழகத்தின் மத்தியகளவீரரான தியாகோ அல்கான்டரா ஓய்வு பெற்றுள்ளார்.

காயம் காரணமாக கடந்த பருவகாலத்தில் ஒரு போட்டியில் மாத்திரமே 33 வயதான தியாகோ விளையாடியிருந்தார்.

ஸ்பானிய லா லிகா கழகமான பார்சிலோனா, ஜேர்மனிய புண்டெலிஸ்கா கழகமான பயேர்ண் மியூனிச்சுக்காகவும் விளையாடியிருந்த தியாகோ, ஸ்பெய்னைப் பிரதிநிதித்துவப்படுத்தியிருந்தார்.