கொமியுனிட்டி ஷீல்ட்டை கைப்பற்றியது யுனைட்டெட்

இங்கிலாந்து பிறீமியர் லீக் சம்பியன்களுக்கும் எஃப்.ஏ சம்பியன்களுக்குமிடையே இடம்பெறும் கொமியுனிட்டி ஷீல்ட் போட்டியில், புதிதாக ஒப்பந்தம் செய்யப்பட்ட ஸல்டான் இப்ராஹிமோவிக்கினால் பெறப்பட்ட கோலின் மூலம் மன்செஸ்டர் யுனைட்டெட் அணி வெற்றி பெற்றது.

40யார் தூரத்தை ஓடி, நான்கு வீரர்களைக் கடந்து போட்டியின் 32ஆவது நிமிடத்தில் அபராமாக கோலொன்றினைப் பெற்ற யுனைட்டெட்டின் ஜெஸி லிங்கார்ட் தனது அணிக்கு முன்னிலையை வழங்கியபோதும், மரௌனே ஃபெலைனியின் பின்புறமான பந்துப்பரிமாற்றமொன்றை பெற்ற லெய்செஸ்டரின் ஜேமி வார்டி போட்டியின் 52ஆவது நிமிடத்தில் கோலொன்றினைப் பெற்று கோல் எண்ணிக்கையை சமப்படுத்தினார்.

எனினும் போட்டியின் 83ஆவது நிமிடத்தில் அந்தோனியோ வலன்சியாவிடமிருந்து பெற்ற பந்தை இப்ராஹிமோவிக் கோலாக்க, 2-1 என்ற கோல்கணக்கில் லெய்செஸ்டரை யுனைட்டெட் தோற்கடித்தது.