சமநிலையில் இன்டர் – மன்டரேரே போட்டி

சர்வதேச கால்பந்தாட்ட சம்மேளனத்தின் கழக உலகக் கிண்ணத் தொடரில், ஐக்கிய அமெரிக்காவின் கலிபோர்னியாவில் புதன்கிழமை (18) நடைபெற்ற மெக்ஸிக்கோவின் மன்டரேயுடனான போட்டியை 1-1 என்ற கோல் கணக்கில் இத்தாலிய சீரி ஏ கழகமான இன்டர் மிலன் சமப்படுத்தியது.

இன்டர் சார்பாகப் பெறப்பட்ட கோலை லொட்டரோ மார்டினெஸ் பெற்றதோடு, மன்டரே சார்பாகப் பெறப்பட்ட கோலை சேர்ஜியோ றாமோஸ் பெற்றிருந்தார்.

இந்நிலையில் செவ்வாய்க்கிழமை (17) நடைபெற்ற பிரேஸிலியக் கழகமான புளுமினிஸேயுடனான போட்டியை ஜேர்மனிய புண்டெலிஸ்கா கழகமான பொரூசியா டொட்டமுண்ட் 0-0 என்ற கோல் கணக்கில் சமப்படுத்தியிருந்தது.