சமநிலையில் டொட்டென்ஹாம் - புல்ஹாம் போட்டி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், டொட்டென்ஹாம் ஹொட்ஸ்பர் மைதானத்தில் இன்று அதிகாலை நடைபெற்ற அவ்வணிக்கும், புல்ஹாமுக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்திருந்தது.

டொட்டென்ஹாம் சார்பாகப் பெறப்பட்ட கோலை ஹரி கேன் பெற்றதோடு, புல்ஹாம் சார்பாகப் பெறப்பட்ட கோலை இவான் கவெலெய்ரோ பெற்றிருந்தார்.

இப்போட்டியின் முடிவில் பிறீமியர் லீக் புள்ளிகள் பட்டியலில் 36 புள்ளிகளுடன் முதலாமிடத்தில் மன்செஸ்டர் யுனைட்டெட் உள்ளது. 33 புள்ளிகளுடன் இரண்டாமிடத்தில் லிவர்பூலும், 32 புள்ளிகளுடன் மூன்றாமிடத்தில் மன்செஸ்டர் சிற்றியும் உள்ளது. லெய்செஸ்டர் சிற்றி, எவெர்ற்றன் ஆகியனவும் தலா 32 புள்ளிகளைப் பெற்றுள்ளபோதும் கோலெண்ணிக்கை அடிப்படையில் நான்காம், ஐந்தாமிடங்களில் உள்ளது. இதில் மற்றைய அணிகளை விட மன்செஸ்டர் சிற்றி ஒரு போட்டியில் குறைவாக விளையாடியுள்ளது.