சமநிலையில் லிவர்பூல் – பலஸ் போட்டி

இங்கிலாந்து கால்பந்தாட்டக் கழகங்களுக்கு இடையிலான பிறீமியர் லீக் தொடரில், லிவர்பூலின் மைதானத்தில் இன்று அதிகாலை நடைபெற்ற அவ்வணிக்கும், கிறிஸ்டல் பலஸுக்கும் இடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

லிவர்பூல் சார்பாகப் பெறப்பட்ட கோலை லூயிஸ் டயஸ் பெற்றதோடு, கிறிஸ்டல் பலஸ் சார்பாகப் பெறப்பட்ட கோலை வில்ஃபிரைட் ஸாகா பெற்றிருந்தார்.

இப்போட்டியில் எதிரணி வீரரைத் தலையால் முட்டியதற்காக லிவர்பூலின் டர்வின் நுனேஸுக்கு சிவப்பு அட்டை காண்பிக்கப்பட்டு களத்திலிருந்து வெளியேற்றப்பட்டிருந்தார்.