செல்சியை வென்று இறுதிப் போட்டியில் ஆர்சனல்

இங்கிலாந்து கால்பந்தாட்ட லீக் கிண்ண இறுதிப் போட்டிக்கு ஆர்சனல் தகுதி பெற்றுள்ளது.

விலகல் முறையிலான இத்தொடரின் அரையிறுதிப் போட்டியில், செல்சியின் மைதானத்தில் நடைபெற்ற முதலாவது சுற்றுப் போட்டியில் 3-2 என்ற கோல் கணக்கில் வென்ற ஆர்சனல், தமது மைதானத்தில் புதன்கிழமை (04) நடைபெற்ற இரண்டாவது சுற்றுப் போட்டியில் 1-0 என்ற கோல் கணக்கில் வென்று 4-2 என்ற மொத்த கோல் கணக்கில் இறுதிப் போட்டிக்குத் தகுதி பெற்றது.

ஆர்சனல் சார்பாகப் பெறப்பட்ட கோலை கை ஹவேர்ட்ஸ் பெற்றிருந்தார்.