ஜோக்கோவிச்சை வென்று சம்பியனான அல்கரஸ்

அவுஸ்திரேலிய பகிரங்க டென்னிஸ் தொடரில் முதன்நிலை வீரரான கார்லோஸ் அல்கரஸ் சம்பியனானார்.

இன்று நடைபெற்ற இறுதிப் போட்டியில் நான்காம் நிலை வீரரான நொவக் ஜோக்கோவிச்சை எதிர்கொண்ட ஸ்பெய்னின் அல்கரஸ், 2-6, 6-2, 6-3, 7-5 என்ற செட் கணக்கில் வென்றே சம்பியனானார்.

தனது அரையிறுதிப் போட்டியில் மூன்றாம் நிலை வீரரான அலெக்ஸான்டர் ஸவ்ரேவ்வை 6-4, 7-6 (7-5), 6-7 (3-7), 6-7 (4-7), 7-5 என்ற செட் கணக்கில் வென்றே அல்கரஸும், மற்றைய அரையிறுதிப் போட்டியில் இரண்டாம் நிலை வீரரான ஜனிக் சின்னரை 3-6, 6-3, 4-6, 6-4, 6-4 என்ற செட் கணக்கில் வென்று சேர்பியாவின் ஜோக்கோவிச்சும் இறுதிப் போட்டிக்குத் தகுதி பெற்றிருந்தனர்.