டக்கெட் காணொளி குறித்து கிரிக்கெட் சபை விசாரணை

அவுஸ்திரேலியாவுக்கெதிரான இரண்டாவது, மூன்றாவது ஆஷஸ் டெஸ்ட்களுக்கிடையிலான இங்கிலாந்துக் குழாமின் நூஸா குறு விடுப்பின்போது பென் டக்கெட் மது அருந்தி விட்டு அணி ஹொட்டலுக்கு திரும்பச் செல்ல முடியாமல் தடுமாறுவதை காண்பிக்கும் காணொளி குறித்து இங்கிலாந்து கிரிக்கெட் சபை விசாரணை நடாத்தவுள்ளது.

நூஸாவுக்கான பயணம் குறித்து விசாரணை இடம்பெறுமென இங்கிலாந்தின் முகாமைத்துவ பணிப்பாளர் றொப் கீ தெரிவித்ததைத் தொடர்ந்தே குறித்த காணொளி செவ்வாய்க்கிழமை (23) வெளிவந்திருந்தது.

முன்னதாக 2017-18ஆம் ஆண்டு தொடரின்போது ஏ அணிக் குழாமிலிருந்த டக்கெட், ஜேம்ஸ் அன்டர்சன் மீது மதுபான விடுதியில் மதுவை ஊற்றியதற்காக அபராதம், இடைநிறுத்தத்துடன் இங்கிலாந்துக்கு திருப்பி அனுப்பப்பட்டிருந்தார்.