டோக்கியோ ஒலிம்பிக்கில் இரண்டாவது இலங்கையராக மில்கா ஜெஹானி

2020 டோக்கியோ ஒலிம்பிக்குக்கு தகுதி பெற்ற இரண்டாவது இலங்கையராக உடற்பயிற்சி வீராங்கனை மில்கா ஜெஹானி டி சில்வா தகுதி பெற்றுள்ளார்.

கண்ட அடிப்படையிலேயே 18 வயதான ஜெஹானி தகுதி பெற்றுள்ளார்.

சீனாவின் ஹங்ஸூவில் நடைபெறவிருந்த சிரேஷ்ட ஆசிய சம்பியன்ஷிப்கள் கொவிட்-19 பரவலால் நிறுத்தப்பட்ட நிலையிலேயே ஆசிய கண்டத்தினூடாக ஜெஹானி தகுதி பெற்றுள்ளார்.

டோக்கியோ ஒலிம்பிக்குக்கு தகுதி பெற்ற முதலாவது இலங்கையராக குதிரையேற்ற வீரர் மதில்டா கார்ல்ஸன் கடந்த வாரம் தகுதி பெற்றிருந்தார்.