டோக்கியோ 2020: 200 மீற்றரிலும் தங்கம் வென்ற தொம்ஸன்

ஜப்பானில் நடைபெற்றுவரும் டோக்கியோ 2020 ஒலிம்பிக் போட்டிகளில், பெண்களுக்கான 200 மீற்றர் ஓட்டப் போட்டியில் ஜமைக்காவின் எலைனி தொம்ஸன் ஹெரா தங்கப் பதக்கத்தை வென்றுள்ளார்.

போட்டித் தூரத்தை 21.53 செக்கன்களில் தொம்ஸன் ஹெரா கடந்திருந்தார்.

இந்நிலையில், போட்டித் தூரத்தை 21.81 செக்கன்களில் கடந்த நமீபியாவின் கிறிஸ்டியான் மொம்பா இரண்டாமிடத்தையும், 21.87 செக்கன்களில் கடந்த ஐக்கிய அமெரிக்காவின் கப்ரியெல்லி தோமஸ் மூன்றாமிடத்தையும் பெற்றிருந்தார்.

21.94 செக்கன்களில் போட்டித் தூரத்தைக் கடந்த ஜமைக்காவின் ஷெலி ஆன் பிறேஸர் பிறைஸ் நான்காமிடத்தையே பெற்றிருந்தார்.