தொடரைச் சமப்படுத்துமா இந்தியா?

தென்னாபிரிக்க, இந்திய அணிகளுக்கு இடையிலான இரண்டாவது டெஸ்ட் போட்டியானது கேப் டெளணில் புதன்கிழமை (03) பிற்பகல் 2 மணிக்கு ஆரம்பிக்கவுள்ளது.

இரண்டு போட்டிகள் கொண்ட இத்தொடரின் முதலாவது போட்டியில் தோல்வியடைந்துள்ள இந்தியா, தென்னாபிரிக்காவுக்கு இரண்டாவது போட்டியில் சவாலை அளிப்பதற்கு பந்துவீச்சு, துடுப்பாட்டத்தில் பாரியளவு முன்னேற்றத்தைக் காண்பிக்க வேண்டியுள்ளது.

குறிப்பாக பந்து அதன் புதிய தன்மையை இழந்த பின்னர் ஓட்டங்களைக் கட்டுப்படுத்தினாலே தென்னாபிரிக்காவுக்கு இந்தியா சவாலை அளிக்கலாம்.

இந்தியாவைப் பொறுத்த வரையில் முதலாவது போட்டியில் விளையாடிய இரவிச்சந்திரன் அஷ்வினுக்குப் பதிலாக இரவீந்திர ஜடேஜா களமிறங்குவார் என எதிர்பார்க்கப்படுகிறது.

மறுபக்கமாக தென்னாபிரிக்காவில் காயமடைந்துள்ள அணித்தலைவர் தெம்பா பவுமா மற்றும் ஜெரால்ட் கொயட்ஸியை அணியில் ஸுபைர் ஹம்ஸா, கேஷவ் மஹராஜ் ஆகியோர் பிரதியிடுவர் என எதிர்பார்க்கப்படுகின்றது.