நொட்டிங்ஹாம் பொரெஸ்டிடம் தோற்ற லிவர்பூல்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், தமது மைதானத்தில் சனிக்கிழமை (14) நடைபெற்ற நொட்டிங்ஹாம் பொரெஸ்டுடனான போட்டியில் 0-1 என்ற கோல் கணக்கில் லிவர்பூல் தோற்றது.

பொரெஸ்ட் சார்பாகப் பெறப்பட்ட கோலை கலும் ஹட்சன்-ஒடோய் பெற்றிருந்தார்.

இதேவேளை அஸ்தன் வில்லாவின் மைதானத்தில் நடைபெற்ற அவ்வணியுடனான போட்டியில் 2-3 என்ற கோல் கணக்கில் எவெர்ற்றன் தோற்றது. எவெர்ற்றன் சார்பாக டிவைட் மக்னெய்ல், டொமினிக் கல்வேர்ட்-லூயின் ஆகியோர் தலா ஒவ்வொரு கோலைப் பெற்றனர். வில்லா சார்பாக ஒலி வட்கின்ஸ் இரண்டு கோல்களைப் பெற்றதோடு, ஜோன் டுரான் ஒரு கோலைப் பெற்றார்.