புதிய ஒப்பந்தத்தைப் பெறவுள்ள டிபாலா?

இத்தாலிய சீரி ஏ கழகமான ஜுவென்டஸின் முன்களவீரரான போலோ டிபாலாவுக்கு, ஜுவென்டஸானது புதிய ஒப்பந்தத்தை வழங்கியுள்ளதாக அக்கழகத்தின் தலைவர் அன்ட்ரியா அக்னெல்லி தெரிவித்துள்ளார்.

முன்னதாக தான் இன்னும் ஒப்பந்தமொன்றைப் பெறவில்லை என டிபாலா தெரிவித்திருந்தமை குறிப்பிடத்தக்கது.

இந்நிலையில், தற்போதைய 2022ஆம் ஆண்டு வரையான ஒப்பந்தத்தை தாண்டி ஒப்பந்தத்தை நீடிக்கும் வாய்ப்பை வழங்கியதாகவும், ஐரோப்பில் சிறப்பாக ஊதியம் வழங்கப்படும் 20 வீரர்களுக்குள் ஒருவராக டிபாலவை மாற்றுவதாகவும் அக்னெல்லி குறிப்பிட்டிருந்தார்.

ஆர்ஜென்டீனா சர்வதேச அணியினதும் முன்களவீரரான 27 வயதான டிபாலா, 2015ஆம் ஆண்டு ஜுவென்டஸில் இணைந்து 168 போட்டிகளில் 69 கோல்களைப் பெற்றுள்ளார்.