பெல்ஜியம் குரான் பிறீ: வென்ற ஹமில்டன்

பெல்ஜியம் குரான் பிறீயை மெர்சிடீஸ் அணியின் லூயிஸ் ஹமில்டன் வென்றார்.

ஞாயிற்றுக்கிழமை (28) நடைபெற்ற இப்பந்தய முடிவில் ஹமில்டனின் சக மெர்சிடிஸ் அணியின் ஓட்டுநரான ஜோர்ஜ் ரஸலே வென்றபோதும், பந்தயம் முடிவடைந்த பின்னர் அவரின் காரானது எடை குறைவாகக் காணப்பட்ட நிலையில் அவர் பந்தயத்திலிருந்து தகுதிநீக்கம் செய்யப்படவே இரண்டாமிடம் பெற்ற பந்தயத்தை மூன்றாமிடத்திலிருந்து ஆரம்பித்த பிரித்தானியாவின் ஹமில்டன் பந்தயத்தை வென்றவராக அறிவிக்கப்பட்டார்.

அந்தவகையில் பந்தயத்தை ஐந்தாமிடத்திலிருந்து ஆரம்பித்த மக்லரென் அணியின் ஒஸ்கார் பியாஸ்ட்ரி இரண்டாமிடம் பெற்றதோடு, பந்தயத்தை முதலாமிடத்திலிருந்து ஆரம்பித்த சார்ள்ஸ் லெக்கலெர்க் மூன்றாமிடத்தைப் பெற்றார்.

இதேவேளை இவ்வாண்டுக்கான போர்மியுலா வண் சம்பியன்ஷிப் புள்ளிகள் பட்டியலில் 277 புள்ளிகளுடன் முதலாமிடத்தில் றெட் புல் அணியின் மக்ஸ் வெர்ஸ்டப்பன் உள்ளார். இரண்டாமிடத்தில் மக்லரென் அணியின் லான்டோ நொரிஸ் 199 புள்ளிகளுடனும், 177 புள்ளிகளுடன் மொனாக்கோவின் லெக்கலெர்க் மூன்றாமிடத்திலும் காணப்படுகின்றனர்.