மீண்டும் சீரி ஏயில் டொன்னருமா?

பிரெஞ்சு லீக் 1 கழகமான பரிஸ் ஸா ஜெர்மைனின் கோல் காப்பாளரான ஜல்லூயிஜி டொன்னருமா, அக்கழகத்திலிருந்து வெளியேற எதிர்பார்ப்பதாகத் தெரிவிக்கப்பட்டுள்ளது.

22 வயதான டொன்னருமா, நடப்புப் பருவகாலத்திலேயே இத்தாலிய சீரி ஏ கழகமான ஏ.சி மிலனிலிருந்து பரிஸ் ஸா ஜெர்மைனில் இணைந்திருந்தார்.

இந்நிலையிலேயே, டொன்னருமாவை அடுத்தாண்டு ஜனவரி மாதத்தில் இன்னொரு சீரி ஏ கழகமான ஜுவென்டஸுக்கு நகர்த்த அவரின் முகவரான மினோ றயோலா எதிர்பார்ப்பதாகக் கூறப்பட்டுள்ளது.

பரிஸ் ஸா ஜெர்மைனின் முதன்மை கோல் காப்பாளரான கெய்லர் நவாஸுடன் போட்டியிட வேண்டியுள்ளது தொடர்பில் டொன்னருமா கவலைப்படுவதாகத் தெரிவிக்கப்பட்டுள்ளது.

எவ்வாறாயினும் குறித்த கருத்துக்களை டொன்னருமா மறுத்துள்ளமை குறிப்பிடத்தக்கது.