முதலாமிடத்துக்கு முன்னேறிய றிஸ்வான்

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான துடுப்பாட்டவீரர்களின் தரவரிசையில் முதலாமிடத்துக்கு பாகிஸ்தானின் மொஹமட் றிஸ்வான் முன்னேறியுள்ளார்.

ஆசியக் கிண்ணத் தொடரில் ஹொங் கொங்குக்கெதிராக ஆட்டமிழக்காமல் 78, இந்தியாவுக்கெதிராக 71 ஓட்டங்களைப் பெற்றமையைத் தொடர்ந்தே இரண்டாமிடத்திலிருந்து ஓரிடம் முன்னேறி முதலாமிடத்தை அடைந்துள்ளார்.

இதேவேளை, இத்தொடரில் பங்களாதேஷ், ஆப்கானிஸ்தான், இந்தியாவுக்கெதிராக முறையே 20, 35, 52 ஓட்டங்களைப் பெற்ற இலங்கையின் பதும் நிஸங்க, ஒன்பதாமிடத்திலிருந்து ஓரிடம் முன்னேறி எட்டாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. மொஹமட் றிஸ்வான், 2. பாபர் அஸாம், 3. ஏய்டன் மார்க்ரம், 4. சூரியகுமார் யாதவ், 5. டேவிட் மலான், 6. ஆரோன் பின்ஞ், 7. டெவோன் கொன்வே, 8. பதும் நிஸங்க, 9. முஹமட் வஸீம், 10. றீஸா ஹென்ட்றிக்ஸ்.

பந்துவீச்சாளர்களின் தரவரிசையில், இத்தொடரில் இலங்கைக்கெதிராக 2 விக்கெட்டுகளைக் கைப்பற்றிய ஆப்கானிஸ்தானின் முஜீப் உர் ரஹ்மான் ஏழாமிடத்துக்கு முன்னேறியுள்ளார்.

இதேவேளை, இத்தொடரில் பங்களாதேஷ், ஆப்கானிஸ்தான், இந்தியாவுக்கெதிராக தலா ஒவ்வொரு விக்கெட்டைக் கைப்பற்றிய இலங்கையின் மகேஷ் தீக்‌ஷன எட்டாமிடத்துக்கு முன்னேறியுள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜொஷ் ஹேசில்வூட், 2. தப்ரையாஸ் ஷம்சி, 3. அடில் ரஷீட், 4. ரஷீட் கான், 5. அடம் ஸாம்பா, 6. அகீல் ஹொஸைன், 7. முஜீப் உர் ரஹ்மான், 8. மகேஷ் தீக்‌ஷன, 9. வனிடு ஹஸரங்க, 10. மிற்செல் சான்ட்னெர்.

முதல் ஐந்து சகலதுறைவீரர்களின் தரவரிசை பின்வருமாறு,

1. மொஹமட் நபி, 2. ஷகிப் அல் ஹஸன், 3. மொயின் அலி, 4. கிளென் மக்ஸ்வெல், 5. ஹர்டிக் பாண்டியா.

இதேவேளை, சிம்பாப்வேக்கெதிரான இரண்டாவது, மூன்றாவது ஒருநாள் சர்வதேசப் போட்டிகளில் 13, 94 ஓட்டங்களைப் பெற்றதுடன், நியூசிலாந்துக்கெதிரான முதலாவது போட்டியில் 20 ஓட்டங்களைப் பெற்ற அவுஸ்திரேலியாவின் டேவிட் வோர்னர், துடுப்பாட்ட தரவரிசையில் ஏழாமிடத்திலிருந்து ஓரிடம் முன்னேறி ஆறாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. றஸி வான் டர் டுஸன், 3. குயின்டன் டி கொக், 4. இமாம்-உல்-ஹக், 5. விராட் கோலி, 6. டேவிட் வோர்னர், 7. றோஹித் ஷர்மா, 8. ஜொனி பெயார்ஸ்டோ, 9. றொஸ் டெய்லர், 10. கேன் வில்லியம்ஸன்.

முதல் 10 பந்துவீச்சாளர்களின் தரவரிசை பின்வருமாறு,

1. ட்ரெண்ட் போல்ட், 2. ஜொஷ் ஹேசில்வூட், 3. முஜீப் உர் ரஹ்மான், 4. ஜஸ்பிரிட் பும்ரா, 5. ஷகீன் ஷா அஃப்ரிடி, 6. மொஹமட் நபி, 7. மெஹெடி ஹஸன் மிராஸ், 8. ரஷீட் கான், 9. மற் ஹென்றி, 10. முஸ்தபிசூர் ரஹ்மான்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஷகிப் அல் ஹஸன், 2. மொஹமட் நபி, 3. ரஷீட் கான், 4. மிற்செல் சான்ட்னெர், 5. சிகண்டர் ராசா