முன்னிலையில் இந்தியா

மேற்கிந்தியத் தீவுகளுக்கு எதிரான முதலாவது டெஸ்டின் நேற்று முன்தின முதல் நாள் முடிவில் முன்னிலையில் இந்தியா காணப்படுகின்றது.

இரண்டு போட்டிகள் கொண்ட இத்தொடரின் இப்போட்டியின் நாணயச் சுழற்சியில் வென்ற மே. தீவுகளின் அணித்தலைவர் கிறேய்க் பிறத்வெய்ட் தமதணி முதலில் துடுப்பெடுத்தாடும் என அறிவித்தார். மே. தீவுகள் சார்பாக அலிக் அதனஸே அறிமுகத்தை மேற்கொண்டதுடன், இந்தியா சார்பாக யஷஸ்வி ஜைஸ்வால் அறிமுகத்தை மேற்கொண்டதுடன், டெஸ்ட் போட்டிகளில் அறிமுகத்தை இஷன் கிஷன் மேற்கொண்டிருந்தார்.

அந்தவகையில் முதலில் துடுப்பெடுத்தாடிய மே. தீவுகள், இரவிச்சந்திரன் அஷ்வின் (5), ஷர்துல் தாக்கூர், இரவீந்திர ஜடேஜா (3), மொஹமட் சிராஜ்ஜிடம் விக்கெட்டுகளை வரிசையாகப் பறிகொடுத்து தமது முதலாவது இனிங்ஸில் சகல விக்கெட்டுகளையும் இழந்து 150 ஓட்டங்களையே பெற்றது. துடுப்பாட்டத்தில் அதனஸே 47 ஓட்டங்களைப் பெற்றார்.

பதிலுக்கு தமது முதலாவது இனிங்ஸில் துடுப்பெடுத்தாடி வரும் இந்தியா, முதல் நாள் முடிவில் விக்கெட் இழப்பின்றி 80 ஓட்டங்களைப் பெற்றுள்ளது. களத்தில் ஜைஸ்வால் 40 ஓட்டங்களுடனும், அணித்தலைவர் றோஹித் ஷர்மா 30 ஓட்டங்களுடனும் ஆட்டமிழக்காமலுள்ளனர்.