லொரியஸ் விருதுகள் 2026: சிறந்த வீராங்கனை சபலெங்கா; வீரர் அல்கரஸ்

லொரியஸ் விருதுகளில் ஆண்டின் சிறந்த விளையாட்டு வீராங்கனையாக, உலகின் முதல்நிலை டென்னிஸ் வீராங்கனையான அர்ய்னா சபலெங்காவும் சிறந்த வீரராக உலகின் இரண்டாம் நிலை வீரரான கார்லோஸ் அல்கரஸும் முடிசூடினர்.

 விளையாட்டு உலகின் மிக உயரிய கௌரவமாகக் கருதப்படும் லொரியஸ் (Laureus) விருதுகள் அறிவிக்கப்பட்டுள்ளன. இதில் டென்னிஸ் நட்சத்திரங்களான அர்ய்னா சபலெங்கா மற்றும் கார்லோஸ் அல்கரஸ் ஆகியோர் பிரதான விருதுகளைத் தட்டிச் சென்றுள்ளனர்.

அர்ய்னா சபலெங்கா (பெலாரஸ்): கடந்த ஆண்டு ஐக்கிய அமெரிக்க பகிரங்க டென்னிஸ் தொடரை வென்றதுடன், அவுஸ்திரேலிய மற்றும் பிரெஞ்சுப் பகிரங்கத் தொடர்களின் இறுதிப் போட்டி வரை முன்னேறிய உலகின் முதல்நிலை வீராங்கனையான சபலெங்கா, ஆண்டின் சிறந்த வீராங்கனையாக முடிசூடினார்.

கார்லோஸ் அல்கரஸ் (ஸ்பெயின்): பிரெஞ்சு மற்றும் ஐக்கிய அமெரிக்க பகிரங்கத் தொடர்களைக் கைப்பற்றி டென்னிஸ் உலகில் ஆதிக்கம் செலுத்திய கார்லோஸ் அல்கரஸ், ஆண்டின் சிறந்த வீரராகத் தெரிவு செய்யப்பட்டார்.

ஏனைய முக்கிய விருதுகள்:

• சிறந்த மீள்வருகை: 11 ஆண்டுகளுக்குப் பிறகு நான்கு கிரான்ட் ஸ்லாம் தொடர்களையும் வென்று அசத்திய வட அயர்லாந்தின் கோல்ஃப் நட்சத்திரம் றோறி மக்கில்றோய் இவ்விருதைப் பெற்றார்.
• சிறந்த திருப்புமுனை: போர்மியுலா வண் (F1) கார் பந்தயத்தில் மெக்லரன் (McLaren) அணிக்காகச் சிறப்பான சாதனைகளைப் படைத்த லான்டோ நொரிஸ் சிறந்த திருப்புமுனை வீரராகத் தெரிவானார்.
• ஆண்டின் சிறந்த அணி: ஐரோப்பிய சம்பியன்ஸ் லீக் கிண்ணத்தை வென்ற பிரெஞ்சு லீக் 1 கழகமான பரிஸ் ஸா ஜெர்மன் (PSG) சிறந்த அணியாகத் தேர்ந்தெடுக்கப்பட்டது.