ஹலெப்பை வீழ்த்தி அரையிறுதியில் செரீனா

அவுஸ்திரேலியாவின் மெல்பேணில் நடைபெற்றுவரும் அவுஸ்திரேலிய பகிரங்க டென்னிஸ் தொடரின் அரையிறுதிப் போட்டிக்கு, ஐக்கிய அமெரிக்காவின் செரீனா வில்லியம்ஸ் தகுதிபெற்றுள்ளார்.

இன்று நடைபெற்ற தனது காலிறுதிப் போட்டியில், உலகின் இரண்டாம்நிலை வீராங்கனையான றோமானியாவின் சிமோனா ஹலெப்பை 6-3, 6-3 என்ற ந்நேர் செட்களில் வென்றே அரையிறுதிப் போட்டிக்கு செரீனா தகுதிபெற்றார்.

இதேவேளை, தனது காலிறுதிப் போட்டியில், தாய்வானின் ஹெஸ்ய் சு-வெய்யை எதிர்கொண்ட உலகின் மூன்றாம்நிலை வீராங்கனையான ஜப்பானின் நயோமி ஒஸாகா, 6-2, 6-2 என்ற நேர் செட்களில் வென்று அரையிறுதிப் போட்டிக்குத் தகுதிபெற்றார்.

இந்நிலையில், தனது காலிறுதிப் போட்டியில் பல்கேரியாவின் கிறிகர் டிமிட்றோவ்வை எதிர்கொண்ட ரஷ்யாவின் அஸ்லான் கரட்செவ், 2-6, 6-4, 6-1, 6-2 என்ற செட் கணக்கில் வென்று அரையிறுதிப் போட்டிக்குத் தகுதிபெற்றார்.