அரசியல் கைதிகள் 9 பேர் உண்ணாவிரத போராட்டம்

-எம்.எஸ்.எம்.நூர்தீன்
 
தம்மை விடுதலை செய்யுமாறு வலியுறுத்தி மட்டக்களப்பு சிறைச்சாலையிலுள்ள தமிழ் அரசியல் கைதிகள் 9 பேர் திங்கட்கிழமை(12) அதிகாலை தொடக்கம் உண்ணாவிரத போராட்டத்தில் ஈடுபட்டுள்ளனர்.

குறித்த கைதிகள் மட்டக்களப்பு சிறைச்சாலையில் வைக்கப்பட்டுள்ள அறைகளிலேயே இந்த உண்ணாவிரத போராட்டத்தில் ஈடுபட்டுள்ளனர்.

தம்மை விடுதலை செய்யும் வரை உண்ணாவிரத போராட்டத்தில் ஈடுபடபோவதாகவும் இவர்கள் தெரிவித்துள்ளனர்.

இந்த தமிழ் அரசியல் கைதிகள் 9 பேரும் வடக்கு, கிழக்கு மாகாணங்களின் பல மாவட்டங்களையும் சேர்ந்தவர்கள் என தெரிவிக்கப்படுகின்றது.